Чтения дня
Иоанна 21:15-25 (на утрене. Евангелие 11-e)
Евреям 7:26-8:2 (святителю)
Иоанна 10:9-16 (святителю)
Ефесянам 4:7-13 (недели по Богоявлении)
Матфея 4:12-17 (недели по Богоявлении) 
СПРЯТАТЬ ТРОПАРИТропарь воскресный, глас 8.
С высоты́ снизше́л еси́, Благоутро́бне,/ погребе́ние прия́л еси́ тридне́вное,/ да нас свободи́ши страсте́й,/ Животе́ и воскресе́ние на́ше, Го́споди, сла́ва Тебе́.
Богородичен, глас тойже.
И́же нас ра́ди рожде́йся от Де́вы,/ и распя́тие претерпе́в, Благи́й,/ испрове́ргий сме́ртию сме́рть,/ и воскресе́ние явле́й я́ко Бог,/ не пре́зри, я́же созда́л е́си руко́ю Твое́ю;/ яви́ человеколю́бие Твое́, Ми́лостиве,/ приими́ ро́ждшую Тя Богоро́дицу моля́щуюся за ны;/ и спаси́, Спа́се наш, лю́ди отчая́нныя.
Кондак, глас тойже.
Воскре́с из гро́ба, уме́ршия воздви́гл еси́,/ и Ада́ма воскреси́л еси́,/ и Éва лику́ет во Твое́м Воскресе́нии,/ и мирсти́и концы́ торжеству́ют/ е́же из ме́ртвых воста́нием Твои́м, Многоми́лостиве.
Тропарь Григорю, глас 4.
Бо́же оте́ц на́ших,/ творя́й при́сно с на́ми по Твое́й кро́тости,/ не отста́ви ми́лость Твою́ от нас,/ но моли́твами их/ в ми́ре упра́ви живо́т наш.
Кондак Григория, глас 2.
Це́ркве Боже́ственный иера́рх/ и прему́дрости честны́й тайноглаго́льник,/ Нисси́йский бо́дрый ум, Григо́рий,/ со Áнгелы ликовству́я/ и наслажда́яся Боже́ственным све́том,/ мо́лится непреста́нно о всех нас.
Кондак Григория, глас 1.
Óком душе́вным бо́дрствуя, святи́телю,/ бодр па́стырь яви́лся еси́ ми́ру,/ и жезло́м му́дрости твое́я, и те́плым предста́тельством твои́м/ вся отгна́л еси́ злосла́вныя, я́ко во́лки,/ невре́дно соблю́д ста́до,/ Григо́рие всему́дре.
Свт. Феофана, Затворника Вышенского. Тропарь, глас 8.
Правосла́вия наста́вниче,/ благоче́стия учи́телю и чистоты́,/ Вы́шенский подви́жниче святи́телю Феофа́не богому́дре,/ писа́ньми твои́ми Сло́во Бо́жие изъясни́л еси́/ и всем ве́рным путь ко спасе́нию указа́л еси́,/ моли́ Христа́ Бо́га спасти́ся душа́м на́шим.
Кондак, глас 4.
Богоявле́нию тезоимени́тый,/ святи́телю Феофа́не,/ уче́ньми Твои́ми мно́ги лю́ди просвети́л еси́,/ со Áнгелы ны́не предстоя́ Престо́лу Святы́я Тро́ицы,/ моли́ непреста́нно о всех нас.
Прп. Павла Комельского (Обнорского). Тропарь, глас 1.
Боже́ственною любо́вию от ю́ности распала́ем, Па́вле преподо́бне,/ вся, я́же в ми́ре кра́сная, возненави́дев,/ Христа́ еди́наго возлюби́л еси́/ и сего́ ра́ди во вну́треннюю пусты́ню всели́лся еси́,/ со зверьми́ жи́ти весь Христу́./ Отону́дуже и Всеви́дящее Óко, твоя́ труды́ ви́дев,/ да́ром чуде́с и по преставле́нии обогати́ тя./ Те́мже вопие́м ти:/ мо́ли непреста́нно о всех нас,/ честну́ю па́мять твою́ при́сно в пе́снех почита́ющих.
Кондак, глас 8.
Все твое́ у́мное жела́ние к Бо́гу впери́в,/ и Тому́ невозвра́тно от души́ после́довал еси́, в пусты́ню всели́вся,/ и, та́мо а́нгельски пожи́в, мно́гим путь был еси́ ко спасе́нию./ Сего́ ра́ди и Христо́с тя просла́ви и да́ром чуде́с обогати́./ Те́мже вси вопие́м ти:/ ра́дуйся, Па́вле преподо́бне, пусты́нный жи́телю.