Чтения дня
Луки 24:1-12 (на утрене. Евангелие 4-e)
2 Тимофею 3:10-15
Луки 18:10-14 
СПРЯТАТЬ ТРОПАРИТропарь, глас 8.
Покая́ния отве́рзи ми две́ри, Жизнода́вче,/ у́тренюет бо дух мой ко хра́му свято́му Твоему́,/ храм нося́й теле́сный весь оскверне́н:/ но я́ко щедр, очи́сти/ благоутро́бною Твое́ю ми́лостию.
Кондак, глас 4.
Фарисе́ева убежи́м высокоглаго́лания,/ и мытаре́ве научи́мся высоте́ глаго́л смире́нных,/ покая́нием взыва́юще:/ Спа́се ми́ра,/ очи́сти рабы́ Твоя́.
Тропарь воскресный, глас 4.
Све́тлую Воскресе́ния про́поведь/ от Áнгела уве́девша Госпо́дни учени́цы/ и пра́деднее осужде́ние отве́ргша,/ апо́столом хва́лящася глаго́лаху:/ испрове́ржеся сме́рть,/ воскре́се Христо́с Бог,/ да́руяй ми́рови ве́лию ми́лость.
Богородичен, глас тойже.
Éже от ве́ка утае́нное,/ и Áнгелом несве́домое та́инство,/ Тобо́ю, Богоро́дице, су́щим на земли́ яви́ся Бог,/ в несли́тном соедине́нии воплоща́емь,/ и Кре́ст во́лею нас ра́ди восприи́м,/ И́мже воскреси́в первозда́ннаго,/ спасе́ от сме́рти ду́ши на́ша.
Кондак, глас тойже.
Спас и Изба́витель мой/ из гро́ба, яко Бог,/ воскреси́ от уз земноро́дныя,/ и вра́та а́дова сокруши́,/ и я́ко Влады́ка воскре́се тридне́вен.
Прпп. Парфения и Луки. Тропарь, глас 4.
Бо́же оте́ц на́ших,/ творя́й при́сно с на́ми по Твое́й кро́тости,/ не отста́ви ми́лость Твою́ от нас,/ но моли́твами их/ в ми́ре упра́ви живо́т наш.
Кондак Парфения, глас 3.
Чуде́с прия́л еси́ Боже́ственную благода́ть,/ Богому́дре свяще́нне Парфе́ние,/ чудотво́рче Богоно́се,/ вся ве́рных стра́сти очища́я, ду́хи лука́вства, о́тче, изгоня́я,/ сего́ ра́ди тя воспева́ем,/ я́ко ве́лия таи́нника Бо́жия благода́ти.
Кондак Луки, глас 8.
Избра́вый Тя Бог пре́жде созда́ния во Свое́ благоуго́дие,/ и́миже ве́дяще судьба́ми,/ при́сно от утро́бы освяща́ет/ и Своего́ раба́ показа́ тя,/ исправля́я твоя́ стопы́, Луко́, я́ко Человеколю́бец./ Ему́ ны́не, ра́дуяся, предстои́ши.
Ина служба прп. Парфения.
Тропарь (святому дважды), глас 4.
Пра́вило ве́ры и о́браз кро́тости,/ воздерж́ания учи́теля,/ яви́ тя ста́ду твоему́,/ я́же веще́й и́стина,/ сего́ ра́ди стяжа́л еси́ смире́нием высо́кая,/ нището́ю бога́тая,/ о́тче Парфе́ние,/ моли́ Христа́ Бо́га/ спасти́ся душа́м на́шим.
Кондак святителя, глас 3.
Чуде́с прия́л еси́ Боже́ственную благода́ть,/ Богому́дре свяще́нне Парфе́ние, чудотво́рче Богоно́се,/ вся ве́рных стра́сти очища́я, ду́хи лука́вства, о́тче, изгоня́я./ Сего́ ра́ди тя воспева́ем, я́ко вели́каго таи́нника Бо́жия благода́ти.